Carbonia

Cuore profondo della Sardegna.

Carbonia Turismo - Animazione Carbonia
A intro Carbònia

Benebènnidos a sa citade de is minieras

Sartos e costeras, passadu e presente, cultura e istòria. In su sud-ovest de Sardigna bivit Carbònia, su cumintzu de unu viàgiu ispensadu chi ti nd’at a pigare peri is intragnas de s’Ìsula, a iscobèrrere is minieras e un’istòria antiga e moderna, ùnica e incantosa.
Dae terra a mare

Proite isceberare Carbònia

Carbònia est su prus mannu tzentru de su Sulcis-Igresiente. A mesu tretu intre is pranos de Campidanu e is pràgias de Sardigna, a dies de oe est fìgia e testimòngia de unu trastìgiu chi at marcadu s’istòria de custos logos a foras de su tempus. Unu passadu chi retumbat e bivit in s’archeologia industriale, istòrica e preistòrica, totu de iscobèrrere. Dae is museos a sa Miniera Manna de Serbariu, dae is traessadas in su sartu a is anderas enogastronòmicas, Carbònia in prus a s’istòria sua oferit una vacàntzia a mesura de totus.
Carbònia Turismu - Proite isceberare Carbònia, is minieras
Carbònia Turismu - Proite isceberare Carbònia, su paesàgiu
Carbònia Turismu - Proite isceberare Carbònia, sa citade
Ideas pro is vacàntzias

Carbònia de connòschere

Carbònia Turismu - Intru de s’istòria

A intro s’istòria

Istòria e cultura s’intrant paris in Carbònia incarrerende unu viàgiu intensivu in su passadu, pro more de su Sistema Museale e de unu distretu archeològicu mannu.

Carbònia Turismu - Is bias de su carbone

Is caminos de su carbone

Dae is intragnas de sa terra retumbat sa vocatzione de Carbònia, chi su nùmene e totu nd’aparat s’ànima. Dae innoe primìtziat unu caminu a s’iscoberta de is minieras istòricas de Sardigna.

Carbònia Turismu - Photo by Elena Giglia Tuerredda

Is mares de sud

Carbònia est su furriadòrgiu perfetu pro iscobèrrere su Sulcis-Igresiente. In prus pagu de un’ora si podet traessare, a discansu, totu custu oru de Sardigna, lompende a is prus pràgias bellas.

Carbònia

Comente lòmpere

Sa citade de Carbònia setzit intremesu de mare e terra e pro custu si ddoe podet lòmpere a discansu dae chi s’arribat a Sardigna. S’agatat a un’ora de vetura dae Casteddu.
Carbònia Turismu - Bg line map

Is aereoportos prus a curtzu:

• aereoportu de Casteddu-Su Masu – 70 km

A s’aereoportu de Casteddu – Su Masu e a cuddu de S’Alighera si podet lòmpere dae citades meda italianas e europeas, finas cun cumpangias low cost.

Nave.
Dae is portos de Livorno, Piombino, Civitavecchia, Nàpoli, Palermo e Bartzellona si arribat a su portu de Casteddu e a totus is portos printzipales de Sardigna.

Vetura.
Arribados a Casteddu o in àteras citades de Sardigna, bastat imbucare in is istradas printzipales a iscurrimentu lestru: SS 130 – SS 131, conca a Carbònia.

Is distàntzias.
• Portu de Casteddu – Carbònia: 71 Km
• Portu de Terranoa – Carbònia: 290 km
• Portu Torres – Carbònia: 260 k
• Portu di Gulfu Li Ranci – Carbònia: 300 km
• Portu di Santa Teresa de Gaddura – Carbònia: 330 km
• Portu di Arbatax – Carbònia: 210 km

A s’istatzione de Carbònia si lompet a discansu cun sa ferruvia
Casteddu-Deximumannu-Carbònia/Igrèsias.

Dae su cabu de logu sardu, Casteddu, si podet lòmpere a Carbònia a bitzicleta.
Tempus: cara a 3 oras e 29 min
Km: 68
Strada: SP 2

Cunforma a s’idea de viàgiu chi tenes, podes isceberare àteras àndaras, ispeculare tretos diferentes o sighire is ànderas de àteros ciclistas.
Pro unu turismu prus sustenìbile carre carre in sa natura, a Carbònia si podet lòmpere a pees puru.
Tempus: cara a is 11 e 14 oras; peri su caminu si podet pasare o istressiare a praghere.
Km: 68
Strada: SP 2

Cunforma a s’idea de viàgiu chi tenes, podes isceberare de passare oru a sa costera, pigare tretos diferentes o sighire àteras anderas de trekking.
Carbonia Turismo - Skyliner di Carbonia
Cuncorda sa vacàntzia

Totu su chi tocat a ischire pro cumintzare su viàgiu in Carbònia